کیدارناتھ ہیلی کاپٹر حادثہ کی ضلعی سطح پر تحقیقات کی گئی

دہرادون۔ کیدارناتھ میں آج صبح ہیلی کاپٹر گر کر تباہ ہوگیا، حادثے میں پائلٹ سمیت 7 افراد کی موت ہوگئی۔ سول ایوی ایشن کے ایڈیشنل سکریٹری اور چیف ایگزیکٹیو آفیسر سی روی شنکر نے میڈیا کو بتایا کہ منگل کو کیدارناتھ سے گپت کاشی جا رہے آرین ایوی ایشن ہیلی کاپٹر کمپنی کے ہیلی کاپٹر حادثے میں پائلٹ سمیت 7 افراد کی موت ہو گئی ہے۔ حادثہ منگل کی صبح تقریباً 11:40 بجے پیش آیا۔ مرنے والوں میں پائلٹ کیپٹن انیل (ممبئی کے رہنے والے) سمیت کل 07 مسافر تھے۔ سول ایوی ایشن کے چیف ایگزیکٹو آفیسر نے کہا کہ حادثے کی وجہ کی مکمل تفصیلات تحقیقات کے بعد ہی موصول ہوں گی۔ ضلعی سطح پر انکوائری قائم کر دی گئی ہے۔ ایس ڈی آر ایف اور پولس ٹیم کی جانب سے موقع پر ریسکیو اور ریکوری آپریشن کیا جا رہا ہے۔